ထွေးဖက်ပေးပါ ပုခက်လွှဲသောလက်ရှင် ကျေးဇူးရှင် အမေ

“ထွေးဖက်ပေးပါ ပုခက်လွှဲသောလက်ရှင် ကျေးဇူးရှင် အမေ”

အမေ့ရဲ့ အတိတ်စာမျက်နှာတွေမှာ
ကျွန်တော်တို့အတွက် နာရီလက်တံတွေ"မဲ့"ခဲ့တယ်

မုတ်သုန်တွေခွါချ
နှင်းစက်တို့လိမ်းကျံ
နေရောင်ဒဏ်နဲ့ နွေပင်လယ်အဆက်ဆက်ကိုလည်း
ကျွန်တော်တို့အတွက်နဲ့ ရဲရဲဖြတ်ကျော်ခဲ့တဲ့ အမေ.....

အမေရယ်.....
အရွယ်အိုနေပေမယ့်
အမေ့ရဲ့မေတ္တာတွေက
မြင့်မိုရ်မက စကြဝဋ္ဌာအဆဆထက်သာတဲ့
ဆောင်းကဗျာလွင်လွင်ကလေးတစ်ပုဒ်လို
အေးမြလတ်ဆတ် အနှိုင်းမဲ့ပါ အမေ.....

ကျွန်တော်တို့အတွက်
အမေ့ရင်ကို မြားအစင်းစင်းဖောက်
ဒီဒဏ်ရာတွေပျောက်ဖို့
မျက်ရည်တွေတောင် သောက်သုံးခဲ့ရသလား အမေ.....

အမေဆိုတဲ့ ဒီစာသားလေး
အက္ခရာ အထပ်ထပ်နဲ့တောင်
စာကမ္ဗည်းစပ်လို့ မရနိုင်ဘူးထင်ရဲ့
ကျွန်တော့်လက်ဖျားမှာ
အက္ခရာတွေ မီးပွင့်ထွက်တော့မယ် အမေ.....

အက္ခရာတွေပျောက်
ကောင်းကင်ကြီးမှောက်ပါစေ
ပုခက်လွှဲသော အမေ့လက်နဲ့
ထွေးဖက်ပေးရင်ပဲ
ကျွန်တော် နေ...ပျော်...ပါ...ပြီ "အမေ".....။ ။

နေရိုင်း