ဗန်ဂိုးရဲ့ ကဖေးဆိုင်ထဲက အလွမ်းည

“ဗန်ဂိုးရဲ့ကဖေးဆိုင်ထဲက အလွမ်းည”

ဘယ်ကဝေတွေကများ
အလွမ်းတွေကို
ထုဆစ်သွားကြသလဲကွယ်.....

နတ်ဆိုးတို့ရဲ့
အမှောင်ဂူမှာမှ
အလင်းဖြူကို တူးချင်တဲ့သူ
ခရေရနံ့တွေဆူးတဲ့လက်နဲ့
ကိုယ့်ရင်ဘတ် ကိုယ်ပြန်ဝှက်တယ်.....

ဗန်ဂိုးရဲ့
ညကဖေးထဲမှာ
အမှောင်နက်တွေကို ခင်းကျင်း
အလွမ်းတွေကို
ခပ်မျှင်းမျှင်းလေးသောက်
ကောင်းကင်မှာ
ကြယ်ရောင်တွေ
တချက်တချက်ပျောက်တယ်.....

ငါနဲ့လွတ်ကင်းရာမှာ
သင်းနှင့်ကြဦးပေါ့
လေပြေညှင်းတို့ရယ်.....

စုတ်တစ်ချက်ဆွဲရုံနဲ့
ပန်းချီတစ်ချပ်မဖြစ်သလို
မင်(မှင်)နီတစ်ချက်တားရုံနဲ့လည်း
အလွမ်းတွေကို
ပန်းများမဖြစ်စေပါဘူးကွယ်.....

ကိုယ့်ကိုကိုယ်
ဘယ်လိုမှစာလုံးပေါင်းမရတဲ့ည
ဗန်ဂိုးရဲ့ အဲ့ဒီညကဖေးလေးထဲမှာ
လဲလဲကျသွားတယ်.....

ငါလွမ်းတယ်.....
လွမ်းတာထက်ကို ပိုလွမ်းသလိုပဲကွယ်.....

သိပ်သိပ်သည်းသည်း
တစ်ကိုယ်တော်ညည်းတဲ့ည
ဗန်ဂိုးရဲ့ကော်ဖီခွက်က
ပိုခါးသွားတယ်.....

နောက်ဆုံးတော့လည်း
အတွေးတွေကို ချည်တုပ်
အလွမ်းတွေကို ထိုးသိပ်လို့
ငါ့ရင်ဘတ်ငါ
အကြမ်းကြုတ်ဆုံး ဆွဲပိတ်လိုက်ရတယ်.....။ ။

နေရိုင်း

Photo credit to Vincent Van Gogh (Night Cafe)