ဆောင်းတစ်ခုရဲ့ တစ်ဝက်တစ်ပျက်မှတ်တမ်း

ရှင်းလင်းသိပ်သည်းတဲ့ညရဲ့
မြူမှုန်တွေကျကွဲသံကို
ငါ့ရင်ဘတ်နဲ့ ရေးရေးလေးကြားနေရတယ်...

ငါ့ရဲ့ခြေသံကိုတော့
မြူမှုန်တွေက ဥပေက္ခာပခြုပ်ထဲထည့်
မြောက်ပြန်လေသွဲ့နဲ့
ထည့်မြောလိုက်ကြတယ်...

အဲ့ဒီည
တိုးတိုးတိတ်တိတ်လေးပဲ
ရင်ငွေ့တွေဖြာကျ
ကောင်းကင်ကခါချလိုက်တဲ့
ကြယ်အစင်းစင်းရဲ့သတင်း
နှင်းပြက္ခဒိန်အထက်မှာ
ဘာအက္ခရာနဲ့မှ
အမှတ်တရထွင်းပေးမထားကြဘူး...

ဒီတစ်ရာသီမှာလည်း
ငါ့အိပ်မက်ထဲ
မသဲမကွဲနဲ့
နှင်းပွင့်တွေပြိုလဲပြန်ပြီပေါ့...

နှင်းမှုန်၊ နှင်းစက်တွေအက်ကွဲ
ငါရပ်စဲထားခဲ့တဲ့တေးတစ်ပုဒ်က
ဟေမာန်ဆောင်းရဲ့ခြေရင်း၌
ဝပ် တွား ဦး ခိုက်
ငါ့ကိုတိုက်ခိုက်ကြပြီ...

နှင်းအက္ခရာနဲ့စပ်တဲ့
ဆောင်းတစ်ခုရဲ့
တစ်ဝက်တစ်ပျက်ဒိုင်ယာရီ
အမှတ်တရတွေဆီပြန်လည်ဦးမော့သွားတယ်...

ဆွေးမြေ့လေလွင့်
ဆောင်းတစ်ခုအဆိပ်သင့်ခဲ့ပြီကွယ်...

တိုးတိတ်လွင့်ဝေ
အို ... ဆောင်းသခင်ရေ
အဆိပ်သင့်နှင်းစက်များအား
သင့်လက်ဖဝါးဖြင့်
နိမ့်ဝပ်ခဆင်း
စီးသွယ်ခြင်းမရှိသောအလွမ်းဖြင့်
ငါ နေရစ်ရပါလို၏.....။ ။

နေရိုင်း