( ၁ )
လရောင်တွေ လင်းလင်းပပ
စံပယ်ဖြူတွေပွင့်အာကြတဲ့ညက
အမေ့ကို သတိရလိုက်တာ.....
အမေဟာ ကျွန်တော့်အတွက်
စကြဝဠာရဲ့အသက်
နေမင်းထက်တောင်လက်တဲ့
မဟာမြူမှုန်တစ်စက်ပါ.....
လရောင်ခြည်ပျိုးတဲ့ဆောင်းကြိုးခတ်သံအချို
အမေ့နံနက်ခင်းတွေကို ကြိုပါစေ.....။
(၂)
အမေ့ရဲ့ ဂန္တဝင်အတိတ်အိုမှာ
ကျွန်တော့်အတွက်နဲ့
နာရီလက်တံတွေ"ယိုယွင်းမဲ့"ခဲ့တယ်
မုတ်သုန်တွေခွါချ နှင်းစက်တို့လိမ်းကျံ
နေရောင်ဒဏ်နဲ့ နွေပင်လယ်အဆက်ဆက်ကိုလည်း
ရဲရဲဖြတ်ကျော်ခဲ့တဲ့ အမေ.....
အမေ
ကျွန်တော်ဆိုတဲ့တေလေမြက်ခင်းမှာ
ရဲရဲရင့်ရင့် အမေ့ခြေဖဝါးနှစ်စင်းကိုသာ နင်းခွင့်ပြုမည်.....။
( ၃ )
အမေ့ရဲ့ မေတ္တာတွေက
မြင့်မိုရ်မက စကြဝဋ္ဌာအဆဆထက်သာတဲ့
ဆောင်းကဗျာလွင်လွင်ကလေးတစ်ပုဒ်လို
အေးမြလတ်ဆတ် အနှိုင်းမဲ့ပါ အမေ.....
ငယ်စဉ်အတိတ်
ကျွန်တော်အိပ်တဲ့
အမေ့ရဲ့ ရင်ငွေ့နွေးနွေးလေးက
ဝေဇယန္တာထက်မြတ်တဲ့
ရွေဝါရောင်အိပ်မက်မက်ရာနယ်မြေဖြစ်ခဲ့တယ်.....
အခါခါမက်မိတဲ့
ကျွန်တော့်ရဲ့ ညဥ့်ဦးယံအိပ်မက်မှာ
အမေက
လရောင်တွေကိုခူး
ကျွန်တော်သွားမယ့်လမ်းမှာ ကြဲပက်
အမြဲတမ်းလင်းလက်စေတယ်.....။
( ၄ )
အခုတော့.....
စံပယ်ဖြူတွေ ဖူးခဲ့တဲ့
အမေ့ရဲ့ ဆံနွယ်ဦးမှာ
မီးခိုးရောင်ဖျော့ဖျော့
ငွေရောင် လျော့လျော့လေးတွေတောင်
ဟိုသည်တစ်စ
နေရာယူနေကြပြီ.....
အမေရယ်.....
ဇရာလွန်ကမ်းခြေတစ်ဝိုက်မှာ
နုပျိုခြင်းတွေ တဖြိုက်ဖြိုက်ကြွေ
အမေအိုနေပြီပေါ့လေ.....
အမေပြောဖူးတဲ့
သွေ့အက် ဆွေးသက်
ပြက္ခဒိန်တစ်ခုထက်က
အကြိမ်ကြိမ်အနှုတ်ခံလိုက်ရတဲ့
သုညလေးတစ်လုံးအကြောင်း
ကျွန်တော့်ဒိုင်ယာရီထဲမှာ
သူရဲကောင်းအဖြစ်နဲ့
စာလုံးပေါင်းထားတယ်.....။
( ၅ )
အမေ...
အတောင်စုံပြီ ထင်လို့
လေအဟုန်ကိုခွင်းပြီး
လမ်းတစ်ခုကို ကျွန်တော်လျှောက်ခဲ့တယ် အမေ.....
ကျွန်တော်နင်းခဲ့တဲ့လမ်းတစ်လျှောက်လုံး
အထီးကျန်ခြင်းတို့ အပြိုင်းပြိုင်းထ
ကျွန်တော့်ကိုယ်မှာလည်း
ဒါဏ်ရာတွေ ဗရပွနဲ့ပေါ့.....
လောကဓံဦးကတည်းက
အမှောင်တွေညွှတ်ကွေး
အလင်းရောင်ဆိုတာတော့
အခုထက်ထိ
ကျွန်တော်နဲ့ဝေးလွန်းသေးတယ် အမေ.....။
( ၅ )
မိုးခါးလေကြမ်း
ဝဿန်လမ်းမှာလည်း
အမေ့ကို ကျွန်တော်လွမ်းတယ်
နှင်းမှုန်၊ နှင်းစက်
ဘယ်လိုမှ ပုံဖော်စပ်မရတဲ့ဆောင်း
ကိုယ့်အိပ်မက်ကိုယ်ကျောင်းရင်း
လွမ်းရင့် နီကျင့်
ရွက်ဝါတွေလည်း လွင့်ခဲ့ပြီ
အမှောင်အတိပြီးတဲ့
ကံကြမ္မာညည်းသံရဲ့အောက်
သစ္စာခြံရံပြီးလျှောက်ရတာ
တစ်ခါတစ်ခါတော့ မောတယ်အမေ
အမေသိမ်းထုပ်ပေးတဲ့
ဖြူစင်မှုလက်တစ်ဆုပ်စာလေးတော့
ဝံ့ဝံ့စားစား
ကျွန်တော့်ရင်ခွင်ကြားမှာ
ထာဝရသိမ်းထားသေးတယ်အမေ.....
( ၆ )
အနာဂတ်ဆိုတာ
ရေစီးထဲက ဗေဒါ
ဘယ်လိုမှမရေရာတဲ့
ဝဿန်ဦးရဲ့
မှိုင်းညို့ရောင် တိမ်တစ်အုပ်ပါ.....
ဒါပေမယ့်
စွန့်စွန့်စားစား
မျှော်လင့်လက်ကမ်းသူတွေကြားမှာ
လူငယ်တစ်ယောက်ရဲ့ အတွေးနဲ့
ကျွန်တော်လည်း ပါဝင်ငေးခဲ့ဖူးတယ်အမေ.....
“အမေ”ဆိုတဲ့ ဒီစာသား
အက္ခရာ အထပ်ထပ်နဲ့တောင်
စာကမ္ဗည်းစပ်လို့ မရနိုင်ဘူးထင်ရဲ့
ကျွန်တော့်လက်ဖျားမှာ
အက္ခရာတွေ မီးပွင့်ထွက်တော့မယ် အမေ.....
“ပုစ္ဆာမဆန်
ပဟေဠိမရှိ
အမေဆိုတာ
ထာဝရ အနှိုင်းမဲ့ ရိုးသားကျယ်ပြန့်တယ် ”.....
( ၇ )
ညဥ့်ယံမှာ တာယာတွေထွန်းလင်း
လမင်းကလည်း အပြုံးတွေခင်းကျင်းခဲ့ပြီ.....
အမေ
အရှေ့ယွန်းယွန်းမှာ
ရောင်နီပျိုတွေ သွန်းလဲ့ပျံဆင်း
ရှင်းပခြင်းအလင်းနဲ့
ပန်းရနံ့တွေ သင်းနေပြီအမေ....
အို....ပုခက်လွှဲသောလက်ရှင်
ကျွန်တော့်အား မွေးဖွားခဲ့သော
အနန္တ ဂုဏ်အင်တွေနဲ့မေမေ
ကော့ညွှတ်သွယ်ပြောင်းသော
အလင်းပြာမှတ်ကျောက်
သစ္စာဖြူတစ်ပေါက်နဲ့
ဆွတ်ဆွတ်ပျံ့ပျံ့
ကောင်းကင်ယံ၌ ရွှင်စေသား..........။ ။
နေရိုင်း
