နှင်းဆီဝိညာဉ်ပူးသော ဥယျာဉ်

ချစ်သောနှင်းဆီ...
ခပ်တုံတုံးတေလေတစ်ယောက်ရဲ့
ထိရှပျက်သုဉ်းလွယ်တဲ့ဥယျာဉ်မှာမှ
လဲ့ဖြာလင်းယှက်
ဆူးခက်တွေချည်းပွင့်ခဲ့သော
ငါ့ရဲ့ ချစ်သောနှင်းဆီရေ ...

လေဆန်တွေတိုး
နတ်ဆိုးတွေပျော်တဲ့တစ်ည
အဲ့ဒီဆူးခက်တွေကိုမှ
တိုးညှင်းသွယ်လျ
သံယောစဉ်တစ်စက
နှောင်ငင်ရစ်ပတ်
ငါ ... ဖြေဖို့ခက်ခဲ့ပြီ ... ။

ချစ်သောနှင်းဆီ ...
“အလွမ်းဆိုတာ
သံယောစဉ်တွယ်ရာမှာ
အလေ့ကျပေါက်တတ်တဲ့အရာ”... တဲ့

တရှိုက်မက်မက်
ငါ့ရဲ့ တမ်းမက်ခြင်းမှာ
ဂန္ဘီရဆန်တဲ့
အပြာရောင်မီးလျှံတွေ
လောင်ကျွမ်းတောက်ပ
ငါဟာ ပြာတစ်စဖြစ်သွားခဲ့ ... ။

ချစ်သောနှင်းဆီ ...
သွယ်လျချွန်ထက်တဲ့
သင့်ရဲ့ ဆူးခက်တစ်ချက်အဖွင့်မှာ
တေလေဥယျာဉ်တစ်ခုလုံးလည်း
တုန်ရီမောဟိုက်
မှော်လူမိုက်တို့လက်၌
သုညအကြွင်း
တစ်စခြင်း တစ်စခြင်း
ထုံဝေမှုန်သင်း ... ။

ချစ်သောနှင်းဆီ ...
ငါနဲ့မတန်တဲ့
လောကလေဆန်မှာ
စူးရှရဲတောက်
ဆူးကောက်ကလေးတွေကိုမှ
တွယ်ဖက်ရစ်မူး
ငါဟာ ... တေလေစွာရူးပေါ့ ... ။

ချစ်သောနှင်းဆီ ...
“ဓားသွားအဆင်းဖြင့်
ပျိုဝင်းထက်ရှ
လဲ့နေအောင်လှပါစေ ...

မီးရနံ့တို့
ကူလူးသွယ်ယှက်
ညဥ့်ယံ၌လည်း
တိုးတိုးညှင်းညှင်းလင်းပါစေ” ...

ချစ်သောနှင်းဆီ ...
ဆူးခက်တွေနဲ့ချယ်မှုန်း
ငါ့ဥယျာဉ်ကုန်းကအပြန်
လေညှင်းကလေးတွေပန်ထားတဲ့
နှင်းဆီရနံ့တစ်ချို့က
ဆွတ်ပျံ့ရီဆွေး
အလွမ်းစီတေးတွေကိုဆိုကြတယ် ... ။

ချစ်သောနှင်းဆီ ...
မာယာအိုတွေအလျှံညီးညီးတောက်
အပြာရောင်မီးတောက်ကလေးတွေနဲ့ညကို
ငါသောက်ပါရစေဦးကွယ် ...

နီဆွေးပွင့်ဖူး
သင့်ရဲ့ပွင့်လွှာဦးကိုမှ
မြတ်နိုးစွာနမ်းခွင့်
ငါ ... တပ်မက်ခြင်းကင်းပါရဲ့ ...

လူငယ်တစ်ယောက်ရဲ့
ရူးသွပ်လှပစွာတမ်းခြင်းကို
ဘယ်နတ်ဘုရားတွေကများ
ဖန်ဆင်းထားခဲ့လေသလဲကွယ် ... ။

ချစ်သောနှင်းဆီ ...
ဆူးခက်သံလွင်လွင်နဲ့
အညတြဥယျာဉ်လေးရဲ့ရင်ခွင်မှာ
အခုတော့ ...
နှင်းဆီရနံ့တွေအူဝေ ...
နှင်းဆီရနံ့တွေအူဝေ ...
နှင်းဆီရနံ့တွေအူဝေ ...
မနက်ဖြန်ခါများစွာမှာ
အလွမ်းတွေကြွေလိမ့်မည် ... ။

နတ်ဘုရားများထံ၌
ငါ၏လက်တစ်စုံအားဖြန့်ကား
အကြိမ်ပေါင်းများစွာ
ဆုတောင်းစကားဆိုမည် ...
“နှင်းဆီဝိညာဉ်ပူးသော
ဤဥယ်ာဥ္အား
ဘေးမဲ့အဖြစ် ပေးသနားတော်မူပါဘုရား” ...

ငါ၏ဆုတောင်းသံအဆုံးမှာ
ပွင့်လွှာကလေးတွေအကုန်လုံး
အုံ့ဝေထစ်ချုန်း
ငါ့ကောင်းကင်ကို
ဦးကုန်းညွှတ်ကြလိမ့်မည် ... ။

ချစ်သောနှင်းဆီ ...
သဘာဝဆန်တဲ့
လောကဓံမှာတော့
နက်မှောင်လဲ့လင်း
ဆူးခက်တွေဖြင့်ထွင်းသော
တေလေရဲ့ဥယျာဉ်ဟာ
တုန်ခါဖျော့အို
တိတ်ဆိတ်ခြင်းတွေနဲ့ငိုနေပြီကွယ် ..... ။ ။

နေရိုင်း